Contoh Saweran Sunatan

Di sunat atau khitanan atau dalam Bahasa Sunda di sebut KARIAAN, bagi laki-laki terutama bagi yang beragama islam sunatan itu sangat dianjurkan karena bertujuan untuk menjaga kesehatan kelamin.Dalam adat kebiasaan masyarakat sunda pada jaman dulu berkhitan atau sunatan biasa nya di sunat di lakukan oleh bengkong atau paraji sunat ( dukun sunat ), tetapi sekarang kebanyakan di lakukan oleh dokter atau mantri. Nah yang akan saya kupas yaitu tentang saweran panganten sunat. Sama halnya seperti pengantin (pernikahan) dalam upacara sunatan juga suka di adakan acara saweran. Dan berikut beberapa contoh teks saweran sunat :

Contoh Teks Sawer Pengantin Sunat  1 :

Bismilahirohman nirohim

Asalamualaikum  wrwb

Para Bapa miwah para ibu parawargi sadaya

Ieu sim kuring bade nambut waktos sakedap

kanggo acara sawer 

Atuh sateuacana simkuring muka tutungkusan 

kanggo sawer budaya sunda ieu

Langkung ti payun boh bilih janggal basana

Atanapi ngaraheutkeun kana manah para bapa miwah para ibu

Parawargi sadaya dumeh simkuring sanes ahlina 

Kana kasustraan sunda ieu mah mung maksakeun 

Ngedalkeun katineung abdi kanu kagungan maksad

Atanapi anu di salamet keun

Bismilahhhh damel wiwitan mugi gusti nangtayungaaaaaan 

kaujang nu di gusaran mugia kasalametaaaaaan

Nuasiiiiih di dunyana nunyaah di aheratna ti ka adi-adina 

Sareng ka kanca kancanaaaaa

Ampun amit ampun kanu kagungan lembur

Amit kanu kagungan bimi

Tabe kanu kagungan baleeee 

Maap ka juraganana anu calik jadi candoliiiiiii 

Neda agung nya paralun neda jembar panganpura

Kaluhur kasuna Ibu kahandap kasunan Rama

Rarepeh putra putri kuring arek ngawuruk, 

Di wurukmah kedah jeung santri 

Catet najero atiiiiiii sangkan ujang ngarti 

Apa bade mapatahan enjing bade digusaran

Kade lulumpatan bilih jadi pasendatan

Mun panyecep meunang loba tong di pake balaba...

Pake meli anak domba sangkan duit tambah lobaaaaa 

Tangtos jadi modal panjang kanggo pibekeleun ujang

Mun tos jadi Bujang pek peserkeun kana sinjang

Teuaya deui ngan kapaur inggis jadi pagiwur

Jeung batur jeng dulur kudu akurrrrrr

Jeng kudu daek istiarrrrr

Aral kuring pek petotkeunnnnnnnn

.................................................

Nyawer kuring geuning geus cape 

Ongkoh lamun papanjangan sok isin kunu ondangannnnnn

Tutut gunung keong reumaaaaaaa

Sumangga gekkkkk calikkkkkkkk

Mohon ma'af  bila ada penulisan kata yang kurang

Terima kasih sebelumnya untuk kritik dan komentarnya.

Contoh Teks Sawer pengantin Sunat 2 :

1.  Baeu kasep nu kuatan

hidep atos disepitan

teu aya kamadorotan

Bapa teh lain teu watir

asep raheut nyeri nyengir

ku asep meureun kapikir

2.  Lain ukur kagaliban

tapi misti kawajiban

ka Islaman nu ngauban

ujang teh keur cacarakan

korban getih nu nyakclakan

ridona sing bebeakan

3.  Nya rido ka nu Agung

poma pikir ulah bingung

boh bilih temahna linglung

baring supagina gering

kawas ayeuna anaking

bet henteu sapira geuning

4.  Ujang teh tos korban getih

jaga mah bet leuwih-leuwih

dimana manggih kasedih

hate teh masing beresih

tinangtu loba nu asih

repeh-rapih silih asih

5.  Korban getih enggeusna

jaga mah korban ku harta

ulah sok dipepenta

pakir miskin bagi rata

mangkade dibeda-beda

bisina jadi gogoda

6.  Ti ayeuna kudu wekel

nyiar kaweruh sing kekel

sagala cabak parigih

ilmu agama darigama

pangjurungna ibu rama

pacuan salah tarima

7.  Kahade kagembang goda

temahna ngabarobeda

si goreng minuhan dada

maparinan dua jalan

kahadean kasauran

8.  Mun mapay jalan nu salah

pinanggih jeung lanat Allah

nu matak ulah balangah

mun mapay jalan nu bener

pikiran tinangtu teger

hasilna salamet seger

9.  Seger pikir mawa janglar

keker henteu gampang udar

gumelarna manusa anu jembar

sing saha nu maha suci ati

kakasih nu maha suci

diasih bae ku Gusti

9.  Pangna ujang disepitan

hartina teh dituduhan

tuduhan hiji jalan

Rama teh nuduhkeun Islam

ku Ujang kudu kapaham

sarta kudu dilampahan

10.   Geuning disunatan nyeri

henteu ngeunah henteu nyari

napsu mah teu pati beuki

kapaksa bakti ka Gusti

da kitu tungtunan Nabi

ibadah masing gumati

11.   Tah kitu kapalay sepuh

sakabeh oge pituduh

lain jalan-jalan henteu puguh

tong was-was tong asa-asa

nya nyembah ka Nu Kawasa

lakonan sabisa-bisa

12.   Cangkurileung 3x

eunteup dina dahan cabe

apa melang ka si encep

teh apa melang

nineung soteh nyawer teh

sakitu bae

13.   Nyieun panggung nutup sumur

asupna tina gapura

neda agung cukup lumur

neda jembar pangampura

14.  Gapura di Malangnengah

ngaliwat bade ka imah

hampura ka nu lalenggah

mugia rarido manah

Conto Teks Sawér Pengantin sunat 3 :

Kasép ieu téh piwejang,

Poma tengetkeun ku Ujang

Masing éling sapapanjang,

Awon ulah katarajang.

Sing émut waktu dikandung,

Di guha garba nyalindung,

Salapan bukan dikandung

Dirajah ku lagu kidung.

Sabulan eukeur ngahérang,

Tilu bulan geus sampurna,

Genep bulan geus mangrupa,

Tujuh bulan hidep usik.

Nitih bali nincak jadi,

Nepi ka salapan bulan,

Nya gubrag hidep ka dunya,

Sang Ratu Guyubud Putih.

Ibu anu kahéséan,

Sabab boga kalakuan,

Jadi ibu katempuhan,

Malah rajeun kasusahan.

Peuting Ibu loba nyaring,

Sabab Ujang sok ngarungsing,

Duh poma teuing anaking,

Kanyaah ka Ibu cangking.

Mun Ujang kulem tibeurang,

Ibu tara betah nganjang,

Ku sabab ka ujang melang,

Ujang ka Ibu sing nalang.